معرض لفلاحة 16 بمكناس كبر وخاصو يتوسع. دورة مقادة ما مشكوك فيها هادي 3 اشهر. اقبال كبير وتجاوب مزيان وحركة دايرة
نجوى المالحي-كود//
شوهة واشمن شوهة طاحو فيها المنظمين ديال شركة سامسونكَ هاد العشية ملي دارو ندوة باغين يدويو فيها على الحملة الجديدة مع المنتج نادر الخياط لي مشهور ب”ريدوان”.
اللقاء كان مفترض يبدا في الخمسة ولكن وصلات الستة وربع، والسيد مازال مابان ليه الآثار. الصحافيين منهم لي كعا وهز حوايجو ومشا.
لاجونس لي مكلفة بالتنظيم ماعرفو راسهم باش تبلاو، وغالبا المارشي كبير عليهم، لان هادي هي ثاني ندوة ديال الشركة كيديروها بعدما كانت قبل شاداها شركة اخرى.
من بعد الروطار ديال ساعة وربع، كملوها المسؤولين ديال الشركة لي كانو كيقراو من “تيليبرومبتور” وكيتهجاو وزيد عليها يتغامزو باش شكون يقرا الجملة وشكون يقرا مولاها.
الندوة كانت فارغة وحتى الصحافيين ماسولوش الاسئلة لي كان خاصهم سيولو، حيت كلشي بقا كيتسنا باش يديرو حوارات one to one وديك الساعة يسولو ريدوان سؤال على هاد الحملة وما تبقى على حياتو وعائلتو مع النجوم العالميين.