وكالات//

في حادثة مأساوية، ماتت مغنية صينية وهي كتقدم واحد الحفل غنائي بعدما تعكلات بسباب اللبسة لي لابسة وطاحت على راسها.

على حساب ماقال الجورنال ديال “ميرور” البريطانية، هد المغنية كانت كتغني فدار للمسنين، بمناسبة عيد ميلاد شي واحد من المسنين.

المغنية عندها فالعمر 31 عامًا، وكانت غنات 2 ديال الأغاني قبل ما تتعكل وتطيح، وماقدراتش مزال تتحرك، وماتت واخا المحاولات ديال الموظفين باش يعاونوها.

العائلة ديالها قالت أنها فاقت من الصباح ماشي هي هاديك، وكانت كتحس أنها مرخية بزاف، هو شي لي خلا البوليس يعلن أنهم غادي يديرو ليها تشريح باش يعرفو الأسباب الحقيقية ديال الموت.