وحسب بلاغ لمجموعة القرض الفلاحي، توصلات بيه “كود”، فبرنامج مواكبة المقاولين الفلاحة الشباب فالقرى، اللي تعطات انطلاقتو ف25 ماي فجماعة عين عرمة فمكناس، وغيبقى حتى للخر ديال يونيو، كيهدف لدعمهم وتأميو انماجهم المهني، من خلال مواكبة حاملي المشاريع ماليا، والاستشارة والتكوين كيف ما كانو نوعية المشاريع ومستوى نضجهم، كيف غيطور البرنامج مناخ أعمال ملائم لجلب الاستثمارات.
وفإطار البرنامج الوطني “المستثمر القروي”، المندرج ضمن برنامج “انطلاقة” اللي دارو الملك محمد السادس، طور البنك عرض مالي خاص ، وبتعاون مع مكتب الاستشارة الفلاحية غيمكن حملة المشاريع من قرض بشروط تفضيلية، والدعم والتقني، والتاطير والخبرة.
وبشان المبادرة الثانية، دار البنك مسار رقمي جديد مخصص لتسديد فواتير المكتب الجهوي للاستثمار الفلاحي الغرب، عبر المنصة الرقمية الفلاحية للقرض الفلاحي، 100 فالمية لفائدة الفلاح، عبارة عن تطبيق “امتيازات -إي”.
وبفضل هذ المسار، غيمكن للفلاح يسدد بشكل آلي الرسوم المترتبة على استهلاك مياه السقي الفلاحي بسهولة، لفائدة المكتب الجهوي للاستثمار الفلاحي بالغرب، من دون حاجة إلى التنقل إلى وكالات التحصيل اللي بعيدة ب30 حتى ل40 كيلومتر فجهة الغرب.
هذ التطبيق كاين فGoogle Play، وكيمكن من الاطلاع على الحسابات البنكية للفلاحين، وتجديد القروض القصيرة الأجل، وتتبع أموال الدعم اللي كتعطيها الدولة فإطار صندوق التنمية الفلاحية، وحوايج خرين…