اسماء غربي – كود //

المغربية مريم توزاني، خرجات من وراء ظل راجلها نبيل عيوش، ومشاركة في مسابقة “نظرة ما” بفيلم “آدم” في دورة مهرجان كان ديال هاد العام.

وسبق لمريم توزاني ان وضحت في حوارات مع مواقع اخبارية مختلفة ان فيلم “آدم” كيعاود القصة ديال الامهات سيليباطير ومشاكلهم فمجتمع مسلم ومحافظ، وبالضبط قصة عابلة، مرا ماتلها راجلها وكتقاتل باش توكل وتربي بنتها وغادي تلاقى مع مرا اخرى سيليباطير وحامل واللقاء غادي يبدل حياتهم بجوج… والفيلم من انتاج راجلها نبيل عيوش

وأقيمت، صباح اليوم الخميس، فعاليات الإعلان عن القوائم النهائية للأفلام المشاركة بفعاليات الدورة الـ72 لمهرجان كان السينمائي الدولي ديال هاد العام، في الفترة من 14- 25 مايو المقبل برئاسة المخرج المكسيكي اليخاندرو اناريتو.

وكانت إدارة مهرجان “كان” كشفات عن اختيار المخرجة اللبنانية نادين لبكي لتترأس لجنة تحكيم مسابقة “نظرة ما”.