كود سبور//

خسر فريق الرجاء الرياضي مع أولمبيك آسفي قبل لحظات من هاد العشية فتيران المسيرة بآسفي بنتيجة 3 لواحد، فالدورة 16 من الدور الإحترافي المغربي لكرة القدم.

وكانت الخضرا هي الأولى اللي ماركات بواسطة يسري بوزوق فالدقيقة 35 من بعدما ضرب الكرة براسو وحولها واحد من المدافعين ديال آسفي للمرمى ديال فريقو، أما المسفويين جابو التعادل بواسطة عبد الغفور مهري فالدقيقة 41، وزاد محمد المورابيط الهدف الثاني لاسفي فالدقيقة 71، وزاد منصف العامري الهدف الثالث فالدقيقة 90 من بيلانتي.

آسفي ومن بعد هاد الرباح تحصل على 3 النقاط ورفع الرصيد ديالو إلى 27 نقطة ووصل على الرجاء اللي بهاد الخسران ضيع فرصة تقليص الفارق مع الصدارة.