كود مصطفى الشاذلي ////
من بعد ما نشرات “البايس” لخبار على تهديد الفيفا لاستبعاد المنتخب الاسباني من مونديال روسيا 2018 والدنيا مقلوبة. القنوات الاسبانية كتهدر على الموضوع بشكل كبير وصحفهم واذاعاتهم. غادية تكون دراما ايلى تحرمات اسبانيا بسبب تدخل حكومة راخوي في الاتحاد الاسباني لكرة القدم. رئيس هاد الاتحاد كان اتهم بالفساد ومارشيات النقل التلفزيوني اللي عطاها لولدو وامور اخرى وتوقف عام. رئيس الرابطة المحترفة ومعاه عميد المنتخب الاسباني رامون اوضحا في تصريحات صحافية نقلتها قنوات اسبانية هاد الصباح ان الامر مستبعد. رئيس الحكومة الاسبانية راخوي قلل من هاد الشي واكد ان ما توصلت به الحكومة من الفيفا غير خطاب وصافي وانها طلبات معطيات
هاد الشي كولو على تهم تتهم الحكومة بالتدخل في عملية الانتخابات الخاصة باختيار رئيس جديد للاتحاد. الفيفا قوانينها واضحة اذا تبث التدخل الحكومي في عمل الاتحاد الإسباني، فإنها سيجمد نشاطات المنتخب الإسباني في مختلف المسابقات، وهو ما يعني غياب إسبانيا عن المونديال الروسي.
هاد الشي اكثر من حلم بالنسبة لينا. تصور اسبانيا اللي فمجموعة المغرب والبرتغال وايران ما تلعبش معاها فروسيا الصيف المقبل. حظوظ التاهيل للدور الثاني غادية تكبار بزاف. دابا هاد الشي غير تمني. خاص اولا تثبت الفيفا هاد التدخل. الكورة العالمية غادية تخسر منتخب كبير ومؤهل باش يربح المونديال ولكن المهم هما حنا نتاهلو