كود سبور//
قدرو المكتب المديري لنادي يوسفية برشيد برئاسة فتح الله المداني يخلصو لاعبين الفريق فالمستحقات ديالهم، وحرجو رئيس الشركة الرياضية للنادي نور الدين البيضي اللي كانو حملوه شحال من مرة المسؤولية فالأزمة اللي وصل لها النادي.
وكشف يونس الحضراني أمين مال يوسفية برشيد فتدوينة ففيسبوك، أن المسؤولين ديال النادي خاصو اللاعبين فالمستحقات اللي كيتسالوها، والأكثر من هادشي وصف هاد المسؤولين بالتيار التصحيح للنادي فإشارة للمكتب اللي كيترأس النادي دابا بعد السنوات الماضية اللي كان فيها الرئيس هو نور الدين البيضي قبل ما يتوقف بسبب واقعة “اااعميمي” الشهيرة وترفع عليه العقوبة ويرجع ليوسفية برشيد كرئيس للشركة الرياضية، وقال أمين مال الفريق الحريزي: “التيار التصحيحي داخل يوسفية برشيد ينجح في صرف أجور اللاعبين لشهري مارس وأبريل الجاري”.
