كود سبور//
شكر كمال حسينة رئيس اتحاد العاصمة الجزائري، المغرب على حسن الضيافة والاستقبال اللي لاقاتو بعثة الفريق فمطار وجدة اللي وصلت له اليوم الجمعة، واكد انهم غيلعبو الماتش ضد نهضة بركان الاحد الجاي.
وقال كمال حسينة رئيس اتحاد العاصمة فتصريح للقناة الثانية ملي وصل هو والفريق الجزائري لمطار وجدة واستقبلهم رئيس العصبة الوطنية لكرة القدم الاحترافية عبد السلام بلقشور ورئيس نهضة بركان حكيم بنعبد الله: “كنشكروهم على الاستقبال وشكرا جزيلا على الاستقبال والأخوة وحنا مستعدين باش نلعبو الماتش”.
ومشاو اتحاد العاصمة للوطيل ديال الفريق فالسعيدية، يا يرتاحو ويبداو يوجدو لماتش روتور دومي فينال كاس الكونفدرالية ضد نهضة بركان، وكلشي كيتسناهم واش غيلعبو أو ما غيلعبوش، بعد واقعة ماتش الذهاب فالجزائر اللي لغاه الكاف واعتبر الفريق الجزائري خاسر امام الفريق المغربي بنتيجة 3 لزيرو، بعدما حجزو الكابرانات على تونيات الفريق المغربي فمطار هواري بومدين حيث فيهم خريطة المغرب.
