26/04/2024 09:00
سكوب. فضيحة كبيرة فمجلس المستشارين. حروب الاستقلاليين مشات بعيد. الوزير الاستقلالي مزور ضارب مع مستشار استقلالي وبقات ليهم غير البونية فلجنة كيرأسها استقلالي
هناء كود كازا ///
يتوقع ان يقدم اليوم بالمحكمة الابتدائية بعين السبع 12 شخص بسباب خرق حالة الطوارئ الصحية. وفق مصدر ل”كود” فهادو تشدو فڤيلا بريزيدانش انافي فبطريق ازمور فكازا.
هادو كانو فشي فيلا ديال شي حد اسمو حمزة. ش. الجيران فهاد الاقامة تشكاو من سهرات سابقة وما داها فيهم حد. دارو شكاية جماعية عاد تحركو. باش جاو لقاوها نايضة. 12 شخص ملايري منهم شي وحدة مرفحة بزاف اسمها حنان وفيها خو مالك ريسطو معروف فكازا…
هادو تقدمو اليوم بعد ما تحطو فالحراسة النظرية البارح الجمعة.
كاينين مرفحين ما كيتسوقوش للدولة بحال هادو. تحداوها وتحداو كلشي لايام. دابا جابوها فريوسهم
