كود سبور//

بدا ديربي اخر بين الوداد والرجاء البيضاويين مند بداية الأسبوع. هاد المرة ما شي على رقعة الميدان ولكن في الكواليس.

الفريقان الغريمين شعلات المنافسة بيناتهم على مروان الهدهودي، لاعب الدفاع الحسني الجديدي.

وقدم سعيد الناصيري، رئيس الوداد البيضاوي عرضا رسميا لخطف الهدهودي فالميركاتو الشتوي، وطلب من مسؤولي الجديدة الجلوس معهم على طاولة المفاوضات، لإنهاء كل الترتيبات المتعلقة بالصفقة.

الناصيري دخل فمنافسة قوية مع جواد الزيات، رئيس الرجاء البيضاوي، لي بغا يتعاقد حتا هو مع الهدهودي في الميركاتو ديال الشتا.

وعلمت “كود” أن إدارة الدفاع الحسني الجديدي غادي تقارن العرض المالي بجوج قبل ما تختار الفريق، لي غادي يلعب ليه الهدهودي، لكن فالمقابل غادي تحاول تقنع الهدهودي باش يمدد الكونتكرا ديالو مع الجديدة.