كود- عن Les Lions de L’Atlas//

غيسافر اللاعب الدولي المغربي، أشرف حكيمي، غدا السبت، لإسرائيل، للمشاركة فنهائي كأس أبطال فرنسا مع نادي باري سانجيرمان اللي التحق بيه هذ الصيف، ضد نادي ليل، فمباراة غتكون نهار الأحد.

وهذي هي المرة اللولة اللي كتستضف فيها تل أبيب كأس السوبر ديال دولة أوروبية، اللي غيكون تحديدا فملعب Bloomfield فتل أبيب.

وعبر دانيال بنعيم، على شرفو لاستضافة وتنظيم كأس أبطال 2021 فإسرائيل، وقال أن هذ الماتش غيكون ذكرى عمرها تتنسى لمهور الإسرائيلي والمشجعين عبر العالم.

وكاس الأبطال غالبا ما كيتنظم فبلاصة خرى خارج فرنسا، بحيث تنظم فمدن كثيرة قبل بحال مونتريال وتونس وبكين وطنجة.

https://lionsdelatlas.ma/achraf-hakimi-en-israel-pour-son-premier-trophee-de-la-saison/