كود كازا//

لاعب كرة القدم المصري محمد صلاح دار تصويرة سيلفي، لابس ماسك كحل على وجهو، وكتب عليها انه كيسافر مخبي، ولكن ندم علاش گاع حطها، ولقى راسو وسط السبان والهضرة من الحزام لتحت.

القضية وما فيها أن التيشورت لي كان لابس صلاح فيه شعار ماركة “Play Boy” الإباحية، وحيت بنادم فراسو العجينة ومكلخ ناضو ليه وقالو ليه كتشجع على “المسخ”.

دابا اللوگو ديال بلاي بوي هو لي غادي يخلي الاخلاق ديال لواحد مزيانين ولا خايبين… أنتوما نوضو من التكلاخ، المخير تلقاه كيديرها من سطاش، وجاي يدير فيها مفتي شرعي.

بالمناسبة، التيشرت من تصميم “فيليب بلان”، والثمن ديالو 3000 درهم مغربية.