كود طنجة ///

البارح الخميس 17 اكتوبر 2019 خرج الاعلان على فتح باب الترشيح لانتخاب رئيس لجهة طنجة تطوان الحسيمة خلفا لالياس العماري المستقيل. دابا غادية تعطى لجميع المستشارين اللي باغيين يترشحو 5 ايام. الترشيح شخصي ولكن الاحزاب اللي كتحكم فيه طبعا.

ناين الاغلبية السابقة هي اللي غادية تستمر فقيادة الاغلبية المقبلة. نفس الاحزاب المشكلة ليها وفق مصدر من الجهة ل”كود”. ماشي غير هاد الشي البام يقدر يستمر فالحفاظ على الرئاسة.

“كيهدرو باللي تم التوافق ولا شي حد فرض الصحافية عضوة مجلس الجهة فاطمة الحساني اللي من الاصالة والمعاصرة هي اللي غادية تجي فبلاصة الياس العماري يضيف مصدر “كود”. كانت كاتبة المجلس ديالو.

دابا رسميا قررات تكون مرشحة “تيار المستقبل” باسم البام.

الحساني كان جرى عليها المدير العام لوكالة المغرب العربي للانباء خليل الهاشمي بسبب اخطاء ارتاكباتها ودارو للهاشمي حالة النقابة وغيرها. المحكمة الادارية كانت لغات الطرد ولكن طردات على اخطاءها. دابا مولات الاخطاء غادية تولي رئيسة جهة كاع.