وكالات //
هاد كورونا اللي دوزات معانا كثر من عام مازال ممفاكاش وكتسبب في إلغاء بزاف الحوايج ز وينين اللي كيدخلو المتعة و الفرحة على القلوب.
البارح المتحدث باسم منظمي أولمبياد طوكيو، أكد رسميا أن السلطات في أوساكا طلبت إلغاء مسيرة الشعلة الأولمبية في مناطق المدينة اللي كاينة في غرب اليابان، حيت خافو من انتشار الوباء كثر وكثر.
مسيرة الشعلة الأولمبية غادي توصل أوساكا في النص ديال أبريل، وبزاف الناس اعتابرو أنها غادي تكون بمثابة أول اختبار كبير لقدرة المنظمين على تنظيم حدث كبير في ظل هاد الانتشار ديال فيروس كورونا، خصوصا من بعدما بانو سلالات جديدة، لكن المسؤولين بغاو بلغيوها ويتهناو.
المعلومات اللي كينة أن المشاركين في حمل الشعلة كيوصل حتال 10 آلاف شخص عبر جميع مقاطعات اليابان و اللي فيها 47 مقاطعة.
وتواجه أوساكا، زيادة في عدد حالات الإصابة بالعدوى، ومن ثم طلب حاكم المقاطعة إلغاء مسيرة الشعلة في المدينة.
