الرئيسية > كود-تيفي > أخيرا.. دونالد ترامب حدد النهار فاش غايلونصي موقع التواصل الاجتماعي ديالو – فيديو
08/01/2022 04:00 كود-تيفي

أخيرا.. دونالد ترامب حدد النهار فاش غايلونصي موقع التواصل الاجتماعي ديالو – فيديو

أخيرا.. دونالد ترامب حدد النهار فاش غايلونصي موقع التواصل الاجتماعي ديالو – فيديو

وكالات //

الرايس الميريكاني السابق دونالد ترامب غادي يطلق موقع تواصل اجتماعي ديالو سميتو “تروث سوشل” (Truth Social) وابتداء من 21 فبراير الجاي يمكن للناس يتيليشارجيوه من “آپل ستور”. وشركة “Trump Media & Technology Group” هي مولات هاد الپروجي.

ترامب ختار يلونصي الموقع ديالو بعدما قررو شركات “تويتر” و”فايسبوك” و”يوتيوب” يمنعوه فشهر يناير 2020 ومايبقاش يدخل لمواقع التواصل الاجتماعي بتهمة تحريض الأنصار ديالو على اقتحام مقر الكابيتول مباشرة بعدما ربح جو بايدن الانتخابات الرئاسية فميريكان.

وكان ترامب أكتيف بزاف فموقع “تويتر” وكانو عندو ملايين المتابعين لكن فرمشة عين مشا ليه كلشي ومابقا يقدر يتواصل معاهم من المواقع اللي يدات ليه ليكونط ديالو.

وهادشي كلو من الأسباب اللي خلات دونالد ترامب يفكر يدير موقع تواصل اجتماعي خاص باش ينافس المواقع اللي كاينة.

موضوعات أخرى