كريم الشركي-كود///

الاعلام الاسباني جعر ملي بدات الازمة، ورجع كيحاول باي طريقة يهاجم المغرب وبستافزو، وفواحد القناة ديالهوم ناض شي محلل، قال بأن الحكومات المتعاقبة على اسبانيا فالثلاثين عام الاخيرة كانت كلها كتدعم قرار الامم المتحدة.

وهضر على الاستفتاء وكيفاش كان عليه جدل، وبعدها وقف اطلاق النار بين المغربوالبوليساريو، وطيلة هاد الثلاثين عام ما وقع حتى تقدم فالملف.

ودخل هاد المحلل اسبانيا، وقاليك عندها مسؤوليات موكولة ليها بموجب قرارات الامم المتحدة، ومنها مراقبة المجال الجوي واللحري فالصحرا!!،  يعني الصبليون المستعمرين باغيين يرجعو بطريقة أخرى للصحرا، ومازال عقليتهوم الاستعمارية كتحركهوم، ولكن بدوافع ظاهرها الدفاع على الصحرا بمنظورهم وباطنها انهم يستوليو على الصحرا.