سكوب. فضيحة كبيرة فمجلس المستشارين. حروب الاستقلاليين مشات بعيد. الوزير الاستقلالي مزور ضارب مع مستشار استقلالي وبقات ليهم غير البونية فلجنة كيرأسها استقلالي
كود طنجة ///
غادر اليوم الجمعة فالعشية حميد ابرشان المغرب فاتجاه اسبانيا. ابرشان خسر العمودية فطنجة بعد فشل مخططو مع البي جي دي واحزاب اخرى. ثم خسر فالكورة بعد طردو تقريبا من اتحاد طنجة ومشى لبلاد عندو جنسية فيها وهي اسبانيا
كانت كود كتبات على عدد من البرلمانيين والمنتخبين بطنجة عندهم الجنسية الاسبانية بحال صاحبو الزموري. هادو ما خاصش ياخدو مناصب بحال العمودية او حتى البرلمان٬ حقاش حاطين رجل هنا ورجل لهيه.
ها هو ابرشان سالى كلشي ومشى لبلادو الثانية اللي بحالو بحال غيرو خداو الجنسية ديالها مؤخرا ماشي مدة طويلة. تماك تلقاهم غاديين جنب الحيط. هنا فالمغرب مفرعنين.
وقتاش يتمنع اللي عندو جنسية خداها غير مؤخرا من الترشح للبرلمان وللانتخابات المحلية. يخليو فقط اللي تزادو فالخاريج او عاشو تماك ودخلو للمغرب اللي يترشحو ولكن للي خداها فعشرة سنين اللخرة يتمنعو يترشحو. ما يبقاوش عندنا امثال ابرشان والزموري