كود اسماء غربي كود ///

كيفاش الفيدرالية المغربية للاعلام التابعة للباطرونا تخلي محمد ايت بوسلهام النائب الثاني للرئيس فهاد المنصب وهو ماشي صحافي بل دخل لهاد المنصب بصفة “مدير وكالة اتصال” وزايدون خدام مكلف بالتواصل فسفارة الامارات العربية المتحدة فالرباط. دابا كاينة ازمة كبيرة بين المغرب والامارات. القضية وصلات للقطيعة تقريبا. الملف الليبي اللي كتدعم فيه الامارات الجينرال حفتر باش ينسف اتقاف الصخيرات وفالملف اليمني كعات ابو ظبي حقاش المغرب انساحب من التحالف باش ما تزادتش الازمة تقواد فهاد الدولة ويموتو الاطفال.

قضايا كثيرة كتسمم العلاقات المغربية الاماراتية ومع ذلك ايت بوسلهام يلعب فهاد العلاقات. يزيد تتأزم.

دابا كمال لحلو رئيس الفيدرالية خاصو يجري عليه ماشي على ود هاد الشي واللي هو خطير٬ بل على ود انو ماشي صحافي. الباطرونا مسؤولة على هاد الشي