26/04/2024 09:00
سكوب. فضيحة كبيرة فمجلس المستشارين. حروب الاستقلاليين مشات بعيد. الوزير الاستقلالي مزور ضارب مع مستشار استقلالي وبقات ليهم غير البونية فلجنة كيرأسها استقلالي
كريم الصوفي – كود //
[email protected]
في الوقت اللي كانو الصبليون كايتسناو الصحافة الأمريكية تنتاقد المغرب على أحداث سبتة المحتلة، خرجات “نيويورك تايمز” بخبر كبير على صدر نسختها الورقية بخصوص هاد الأحداث.
هاد التقرير الصحفي الموسع أعده “نيكولاس كيسي” و”خوسي باوتيستا” حول أبرز الأحداث التي وقعات ف ديك الأيام من خلال شهادات بعض المهاجرين الذين تمكنوا من دخول المدينة المحتلة.
تقرير “نيويورك تايمز” تكلم على المدينة اللي هي شبه جزيرة كاتحكمها إسبانيا تقريبا منذ 1600 ميلادية وكيفاش هاذ “الجيب الإسباني” فوق التراب المغربي عرف تدفق آلاف المهاجرين وهضر على أعمال الإنقاذ اللي دارت “لاگوارديا سيبيل” واكتشاف جوج جثت على شواطئ سبتة المحتلة.
اللي زاد فقص الصبليون هي تناول التقرير لردود أفعال اليمين المتطرف في سبتة المحتلة على الأحداث وكيفاش حاول حزب “بوكس” لتنظيم تجمع عنصري حاشد وتعليق رئيس الحكومة المحلية بسبتة المحتلة على هاد الخطوة والمنظمين ديالها بأنهم يزرعون بذور الشقاق.
