كود – وكالات //

فردها على الدعوى القضائية اللي رفعاتها ضدها، اتاهمات شركة “ديزني” الممثلة “سكارليت جوهانسون” بتجاهل تأثير جائحة كورونا على قطاع السينما بحال غيرها من المجالات.

وكانت سكارليت جوهانسون دعات شركة “ديزني”، بعدما نزلات الشركة فيلمها الأخير “Black Widow” على “ديزني بلوس” في نفس توقيت طرح الفيلم فالسينمات، على اعتبار أن هادشي فيه إخلال بشروط العقد بين الطرفين.

وقالت “جوهانسون”، اللي كاتلعب دور البطلة الخارقة “بلاك ويدو” فالفيلم، أن العقد اللي وقعاتو مع “ديزني” كايضمن طرح الفيلم حصريا غير فالسينمات، حيت بزاف ديال الأجراء واقفين على إيرادات الفيلم من تماك.

وقال متحدث رسمي لشركة “ديزني” أنه: “ماكاينة حتى ميزة من رفع هذه الدعوى، الأمر محبط وحزين ويتجاهل تماما تأثير فيروس كورونا على صناعة السينما”.

وزاد: “ديزني التازمات بشروط عقد جوهانسون كيفما هو، وطرح الفيلم على منصة البث تسبب فـ تضاعف أجرها، وعاد على الـ20 مليون دولار اللي حصلات عليها حتى لدابا”.

وشاركات “جوهانسون” فـ8 أفلام مع عالم “مارفل” (Marvel) السينمائي، بدور الجاسوسة ناتاشا رومانوف (بلاك ويدو)، قبل أن تقدم فيلم مع بطولة مطلقة ليها مؤخرا.