معرض لفلاحة 16 بمكناس كبر وخاصو يتوسع. دورة مقادة كان مشكوك فيها 3 اشهر. اقبال كبير وتجاوب مزيان وحركة دايرة
عمر المزين – كود //
تحقيق ميداني غير مسبوق دارو فريق برنامج “45 دقيقة” اللي كيقدمو الزميل ياسر العماري على قناة “الأولى”. هاد التحقيق دام 3 سنين في كل من تركيا وسوريا والمغرب لتصوير هاد الحلقة الخاصة والاستثنائية.
هاد الحلقة غادي تسلط الضو على أوضاع عيالات ودراري صغار عندهم الجنسية المغربية وماقدروش يرجعو للمغرب، بعد ما لقاو راسهم في بؤر كتسيطر عليها منظمات إرهابية بحال تنظيم “داعش”.
وغادي يقرب هاد التحقيق المشاهد من أوضاع الأمهات العالقات مع أطفالهن في بؤر التوتر، والسبل المختلفة اللي خلات هاد السيدات يلقاو راسهم حبيسات في مخيمات للاجئين في سوريا بإشراف من وكالة الأمم المتحدة للاجئين (HCR) المسؤولة عن توفير الحماية الضرورية في هاد المنطقة المشتعلة.
هاد التحقيق غادي تكون فيه أيضا شهادات حصرية وقوية لنساء مغربيات نجحو في الهروب من هاد المناطق الصعبة ووصلو إلى تركيا بحثا عن حياة أفضل.