عفراء علوي محمدي- كود//

وجه عمر بلافريج، برلماني فديرالية اليسار الديمقراطي، سؤال كتابي لوزير الداخلية، كيساءلو حول عملية قتل الكلاب الظالة بالقرطاس فمجموعة من المدن المغربية، وهي العملية اللي وصفها ب”الوحشية”.

وزاد بلافريج كيقول، فسؤالو دائما، أن استعمال الجماعات للرصاص الحي لقتل الكلاب “ممارسة لاإنسانية” خاص يتم المنع ديالها.

وقال ان هذ الحملة كاينة على وجه المثال لا الحصر فقنيطرة والعرايش والمضيق والناظور.

واكد انه فالأصل خاص تتخصص ميزانية لتلقيح هذ الحيوانات اللي وصفها بالبريئة، وخاص التعامل معاها بطريقة إنسانية وحضارية، بحال كيف كتدير باقي دول العالم.

وكيشوف بلافريج أن استعمال الرصاص ممكن يهدد سلامة المواطنين، وكاين بزاف منهم اللي ماقابلينش على هذشي.