نجوى المالحي-كود//

الممثلة المراكشية فضيلة بنموسى مغاديش تكون حاضرة في الجزء الثالث من سلسلة “حي البهجة” لي كتدوز في دوزيم خلال شهر رمضان.

المعلومات المتوفرة تفيد أن التورناج غادي يبدا هاد الأيام لكن فضيلة متقدرش تصور حيت مهرسة من يدها وخاصها ترتاح، بعدما طاحت في بلجيكا.

الطبيب طلب من فضيلة ترتاح لمدة شهر ونص ومتحركش يدها، هادشي لي خلاها تعتذر من المشاركة واخا كانت من بين الشخصيات الرئيسية.