أسماء غربي -كود//

عبد العزيز الستاتي المغني الشعبي مناويش يعترف ببنتو إلهام واخا قالت شحال من مرة انها نادمة على تصرفاتها وفيديوهات تخسار الهضرة والحشيش لي داعو في الانترنت.

البارح سولوها في انستكَرام على شنو هي أكثر حاجة كتخليها حزينة من غير الغدر ديال الصحاب وكلام الناس وهي تجاوب “بابا”.

والستاتي ناكرها بمرة ومكيعترفش بيها لا من قريب أو بعيد، وفي كل مرة كتكون شي ندوة، كيفرض على صحافيين ميسولوهش على بنتو.

في المقابل، واخا باها معندوش معاه قالت الهام أن الرابور حليوة هو حب حياتها وكيعني ليها بزاف.

وكانو حليوة وايلي تكلاشاو وتعايرو بزاف ديال المرات وخرجو للعيب، ولكن هاد السيمانة رجعو للحب والبضاض بحالا ماكين والو، وحطو تصاور ديالهم بجوج فانستگرام.