معرض لفلاحة 16 بمكناس كبر وخاصو يتوسع. دورة مقادة ما مشكوك فيها هادي 3 اشهر. اقبال كبير وتجاوب مزيان وحركة دايرة
كريم الشركي – كود///
أكبر امتحان واجهوه المتزوجين فحياتهوم كولها، هي الحجر الصحي ديال كورونا، هادشي وقع فالعديد من الدول، كانت اولهم الصين وبالخصوص مقاطعة شيان لي وقع فيها الحجر،حيث تزادت فيها نسبة الطلاق بشكل كبير، حقاش الطلاق فالصين كيحتاج اربعين دقيقة، على عكس الدول الاخرى اللي فيه جلسات وجلسات.
موقع “ال اسبانيول”، قال نقلا عن الرابطة الاسبانية لمحامين الاسرة، أن الاستشارات فمجال الطلاق رتفاعات بزاف، وهادشي بسباب الحجر الصحي حقاش بنادم رجع 24\24 ساعة وهو مع مراتو، وطبيعي غاينوضو الصداعات والمشاكل.
وزاد المصدر أن الامتياز اللي عند الصبليون على الصين، أن اجراءات الطلاق مغقدة شوية، ديكشي علاش كاينين بزاف من اللي كايبداو إجراءات الطلاق مكيكملوهاش ملي كيتهدنو.
وقالت الرابطة، أنه فنفس الوقت جاتهوم طلبات كثيرة من الاباء والامهات اللي ماعندهومش حضانة اطفالهم وكيشوفوهوم مرة فالاسبوع، طالبين تتزاد ليهم المدة اللي ماشافوش ولادهوم فيها خلال الحجر الصحي.