كود مصطفى الشاذلي ////
فضل خمسة لاعبين من فتيان الرجاء أنهم امشيو العبو مع أكاديمية محمد السادس، وفريق الفتح الرباطي، والمغرب التطواني، على أنهم ابقاو عيشين مع الرجاء في الوضع المزري لكيعانيو منوا الفئات الصغرى.
وليدات الرجاء مشاو للمنتخب ديال الفتيان وتلقاو عروض من مؤطرين في الأكاديمية والفتح والمغرب التطواني، ووافقوا على أنهم امشيو، العبوا مع هاد لفراقي باش احسنو الوضع ديالهم ودربوا في ظروف أحسن من الظروف لكيعيشو فيها في الرجاء.
وشحال من لاعيب في الرجاء باغي اغادر الفريق لأنهم كيعيشو وضع خايب بزاف، لا هوما لا المؤطرين لكيشرفو عليهم، عدد كبير منهم ممخلصينش منذ عدة أشهر، وكاعين على الوضعية.
رئيس الرجاء معجبوش الحال وبدل ميحسن الوضع ووفر ظروف جيدة للفئات الصغرى، مشا كيتشكى للجامعة ودار رسالة لقجع، كيتشى من هجرة لاعبيه.
كون كان الوضع جيد في الرجاء كيفما كان شحال هادي مميكنش لوليدات اخليو الفرق ومشيو للفتح أو المغرب التطواني، لأن الاعبين ديال هاد لفراقي وفراقي آخرين كانو كيتمناو العبو في الرجاء.
