عفراء علوي محمدي- كود//

قررات الغرفة الجنائية فمحكمة الإستئناف بمراكش تأجيل قضية “البيدوفيل الكويتي” ل22 دجنبر.

وغاب المتهم على الجلسة كسابقاتها، من بعد ما رجع فحالو لبلادو مباشرة بعدما تقررات متابعتو فحالة سراح من فبراير اللي فات.

ويتابع الظنين بتهم اغتصاب قاصر والتغرير بها هتك عرضها، بعدما استدرج بنت فعمرها 14 لعام لإحدى الفيلات بممر النخيل فمراكش، وتكرفص عليها، فيوليوز من العام اللي فات.

وكان سبق لعائلة الضحية حطات شكاية بالمتهم فدجنبر 2019، قبل ما تتنازل على حقها فالمتابعة، وتدخل الجمعية المغربية لحقوق الإنسان كطرف مدني فالقضية.