كريم الصوفي – كود //
قالت أماندين بوتي (Amandine Petit)، حاملة لقب ملكة جمال ملكة جمال فرنسا 2021، فحسابها على موقع “أنستگرام”، أنها عاشت ساعات فالجحيم خلال رحلة جوية بين المغرب وفرنسا، الحد الفايت، بسباب عاصفة رعدية نوضات الخلعة فالراكبين وخلات الطيارة تفقد ارتفاعها فدقائق قليلة.
ووفقا لما ذكرته ميس فرانس 2021، اللي كانت فالمغرب وراجعة لبلادها، أن ركاب الطيارة شداتهم الخلعة وبداو كيغوتو وكاين اللي بدا كيبكي وهادشي بسباب ظروف مناخية سيئة، ولحسن الحظ فاللخر قدر البيلوط يتحكم فالوضع ويوصل الطيارة فأمان للديستيناسيون ديالها.