الزلزولي: دياز واعر وباغي نلعب معه فالمنتخب وحاولت مع يامال باش يلعب مع المغرب وما بغاش
احمد الطيب كود الرباط//
نايضا روينة بين المنعشين العقاريين على برنامج دعم السكن اللي طلقو سيدنا، وتعطات الانطلاقة ديالو فيناير 2024، المنعشين العقاريين كيقولو بلي هاد المشروع مغاديش مزيان فكازا والسبب هو الغلاء، الغلاء من حيث تكلفة الديور اللي بناو من حيث العقار علاش تبنا.
منعش عقاري فسر علاش برنامج دعم السكن فشل فكازا، وقال ل”گود” : گطار يخرج لي مائتين حتى مائتين و10 شقة. لگطار فكازا غالي. تحيد منو 10 بالمائة. غادي يطلع ب2500 درهم”.
واضاف المنعش العقاري ل”كود” :”قيمة الأرض غالية بزاف وزيد عليها 10 بالمائة ما عمرو يكون فكازا ، برشيد مثلا او الجديدة اللي تابعين لجهة كازا ما كايناش 10 فالمائة والثمن فحدود 600 درهم..يعني هاد المشروع ما عمرو يكون فكازا”. كازا فيها الخصاص والوزيرة بنت الباشا مقدراتش تنزل هاد المشروع فكازا، مقدراتش على لوبي العقار. مصادر بالوزارة كتقول العكس :”جهة الداربيضاء في المركز الثاني بالنسبة لعدد المستفدين من البرنامج و اكثر من ثلث المستفدين في هاد الجهة بالداربيضاء”.
كازا حسب معطيات الوزارة، هي الثانية في عدد المستفيدين من برنامج دعم السكن، اي ناس خداو شراو رسميا ديورهم. ضمن 8700 مستفيد وطنيا. وشدد ذات المصادر بلي المقاولات الصغرى فرحانة بزاف لهاد البرنامج والسوق بدأت تتأقلم مع السياق الجديد.