نجوى المالحي-كود//
سنوات طويلة باش الممثلة سهام أسيف غبرات ومبقاتش حاضرة في الأعمال التلفزية، بعدما كانت هادي 10 سنين حاضرة وبقوة في الأعمال الرمضانية.
من بعد الزواج غبرات، لكن دابا قررات ترجع وغادي دير مسلسل تلفزيوني غادي يدوز في رمضان.
والتبركَيكَة لي جابت “كود” أن التورناج غادي بدا السيمانة الجاية بمشاركة ماجدولين الادريسي وسعيد باي وعبد السلام بوحسيني واللائحة طويلة.
وكان واحد الوقت ارتبط ظهور سهام أسيف مع الممثل والمخرج سعيد الناصيري، لكن ملي قلبوها صباط على قبل الفلوس كل واحد شد طريقو.
