جمال بناصر – كود//

مشا فيها مقدم خدام بإحدى القيادات بأكادير بعدما شدوه الجدارمية ديال تيزنيت سكران بيلة بناء على بلاغات عدد من مستعملي الطريق قالو أن المعني بالأمر شيّر  عليهم بالحجر حيث مابغاوش يوقفو يعاونوه يصاوب طوموبيلتو اللي خسرات ليه وسط الطريق.

و حسب مصادر محلية، فإن المقدم و واحد صاحبو كان معاه، تسببا في إصابة شيفور ديال كاميو بجروح بعدما اخترقت الحجرة باش كان تايضرب جاج الكاميو و ضربات الشيفور اللي مشا نيشان للابريكاد ديال الجدارمية و قدم شكاية ف الموضوع انتقل على اثرها رجال الدرك الى الموقع لتكون المفاجأة بعد اكتشاف ان الفاعل عون سلطة من درجة مقدم.