نجوى المالحي-كود//

المغربية مريم حسين من نهار شفروها هادي 3 أيام في لندن وهي كتدوي بالخليجية وماكين غير دبي بلد الأمن والأمان، واللهجة لي كيفهموها الإخوة العرب.

البارح دارت سنابات جداد في الشارع ولمحات أن لي تسرق ليها هي مجوهرات ثمينة داتها معاها، وصورات فيديو وهي كتخبي سنسلة تحت التريكو وقالت “إلى أراد يسرقني الآن معليه إلا يقطع ركَبتي”، غير هي ملي بغات تبرد هوايشها خرجات للدارجة وقالت “الله يعطيكم شي كسيدة”.

مريم حسين هي مغربية لكن مستقرة في دبي، وحاليا مشاركة في أسبوع الموضة في لندن قبل ما تعرض للسرقة.