وكالات //

إيلون ماسك كيوجد راسو مزيان للمعركة القانونية مع شركة “تويتر”، من بعدما تبلوكات الصفقة ديال شراء واحد من أهم مواقع السوشيل ميديا، واللي حط فيها ماسك 44 مليار دولار كقيمة كاملة ديال هاد البيعة وشرية.

ونشر أيلون ماسك تغريدة على حسابو فموقع “تويتر” قال فيها أنه باع أسهم فشركتو “تيسلا” ديال صناعة الطوموبيلات إلكتريك، بقيمة 6.9 مليار دولار باش يقدر يواجه “تويتر” فالمحاكم لأنه ما بغاش يتحط فشي موقف طارئ.

Yes.

In the (hopefully unlikely) event that Twitter forces this deal to close *and* some equity partners don’t come through, it is important to avoid an emergency sale of Tesla stock.

— Elon Musk (@elonmusk) August 10, 2022

هادشي كامل دارو أيلون ماسك باش يواجه شركة “تويتر” اللي رفعات عليه قضية فالمحاكم الميريكانية بسباب أنه وقف صفقة ديال شراء موقعوالتواصل الاجتماعي، فالوقت اللي قال فيه أن “تويتر” قولباتو وما قالتش ليه حقيقة عدد ليكونط الفايك اللي كاينين فالموقع.