مصطفى الشاذلي – كود سبور//

فضيحة ملعب راديس مازال ما سالاتش، بعدما قدم الوداد البيضاوي الطعن على قرار لجنة العقوبات، لي عطات لقب كأس دوري الأبطال للترجي التونسي.

لجنة الاستئناف التابعة للاتحاد الإفريقي لكرة القدم غادي تفتح ملف الوداد غدا الأحد بحضور أعضائها كاملين.

الوداد البيضاوي كينتظر قرار لجنة الاستئناف بفارغ الصبر وكيستنا من لجنة الاستئناف تنصفو، بعدما منح اللقب للترجي واخا دار الفوضى في الماتش ديال الإياب وعطل تقنية الفيديو “فار” وماركا الوداد وما تحسبش.

الوداد ما غاديش يرضا حتا بشي حكم من غير يتعاود الماتش في ملعب محايد. هدا هو المطلب ديالو حاليا، وإلا جا قرار لجنة الاستئناف عكس ما كان كيطمحلو الوداد، فالأكيد أنه غادي يمشي عاود للطاس.

الكاف والفيفا مازال مامعترفينش بالترجي التونسي بلي هو البطل، والفريق التونسي ماعرفش راسو واش غادي يشارك فكاس العالم للأندية ولا خاصو ينتظر قرار لجنة الاستئناف.