كود سبور//

شدات بعثة اتحاد العاصمة الجزائري الطريق إلى المغرب، باش يلعبو ماتش روتور دومي فينال كاس الكونفدرالية الافريقية ضد نهضة بركان، فهاد الويكاند فمدينة بركان.

وشدات بعثة اتحاد العاصمة الطريق من الجزائر إلى المغرب، وخدات طيارة مصرية من مطار هواري بومدين فالعاصمة الجزائر فاتجاه مطار وجدة، ومن المنتظر تمشي البعثة الجزائرية من مدينة وجدة للسعيدية فين كاين لوطيل اللي غييرمو فيه باش يرتاحو.

وكلشي كيتنسا اتحاد العاصمة الجزائري واش غيلعب الماتش امام نهضة بركان فروتور دومي فينال كاس الكونفدرالية، او ما غيلعبوش خوفا من الكابرانات اللي عندهم حساسية من المغرب، ويتكرر حادث ماتش الذهاب اللي قررا الكاف يلغيه حيث بسبب حجز السلطات الجزائرية لخريطة المغرب اللي فتوني نهضة بركان.