كود سبور//

فضيحة بجلايلها كانت فالماتش ديال الجيش الملكي والدفاع الحسني الجديدة، بريم الدورة 21 من منافسات البطولة، بعدما دار الفريق العسكري الشونجمو الرابع واخا القانون يمنع ذلك.

الحكم تدارك الموقف بسرعة وخرج اللاعب اللي دخل بعد دقيقة وحدة، لتعرف ملاعب الكرة مهزلة أخرى بعد مباراة القايدة، اللي وقفات ماتش النادي القنيطري ووداد تمارة في بطولة القسم الثاني.

شكون ورا هاد المهزلة وكيفاش سمح الحكم الرابع بإشراك لاعب رابع من الجيش، وفين كان المدير الإداري لحظة التغيير وعلاش المندوب ما دخلش لمنع هاد الفضيحة من الوقوع.

مصدر جامعي مسؤول، أكد أن الجميع كيتحمل مسؤولية هاد الفضيحة، وحتى حكم الوسط كيتحمل المسؤولية وكيفاش فريق الجيش بمرجعيتو التاريخية ومكانتو يوقع في هذا الخطأ الإداري الفضيع.

الدفاع الجديدي بعد هاد الخطأ قدم اعتراض تقني باغي يربح الماتش بستيلو، لكن المصدر الجامعي أكد باللي اعتراض الفريق ما واكلش، وربما كان يقدر يكون مشكل، لو أن اللاعب اللي دخل ماركا، أو ساهم في تغيير النتيجة، لكن هادشي ما وقعش الحمد الله.