وكالات //
قررات لجنة “مجلس الرقابة” فموقع التواصل الاجتماعي “فايسبوك” باللي الكونط ديال الرئيس الأمريكي السابق، دونالد ترامب، خاصو يبقا مسدود.
و غايبقاو الصفحات ديالو ف “فايسبوك” و حتى “انستكَرام” مسدودين حتى تدار مراجعة لقرار “مجلس الإشراف”، اللي مزال ما قال والو على واش يرجعوهم أو لا، وذلك حسب ما أوردت صحيفة “الإندبندنت” البريطانية اليوم الأربعاء.
و رغم ذلك، اعتابر “مجلس الرقابة” أن إدارة “فايسبوك” تصرفت بشكل “غير لائق”، في إشارة إلى الطريقة التي تم بها فرض الحظر على حسابي ترامب، وأصدرت تعليمات للشركة بإجراء مراجعة لكيفية تحديد هاد الحظر.
وكانت إدارة “فايسبوك”، مؤقتا، سدات لترامب الكونط ديالو من بعد أحداث الشغب و الروينة اللي ناضت، يوم 6 يناير الفايت، فاش هجمو عدد من أنصارو على مقر الكونكَرس للاحتجاج على نتائج الانتخابات الرئاسية.
وكان ترامب، حسب “فايسبوك”، كاينشر “أخبار كاذبة” و زايدها ب”التحريض على العنف”، كان ممكن تشعل الميركان وتدخلها ف دوامة خايبة من الصراع.