كود مدريد ////
توصلت “كود” بمعطيات مثيرة على لمرا اللي ناضت فتجمع لحزب التجمع الوطني للاحرار قبل اسابيع بمدريد. لمرا كانت قالت “عاش اسبانيا” وهاجمت الامن بالمغرب وتحدثت على غيابو فالمملكة. وفق معطيات حصلت عليها “كود” فان لمرا اللي خرجات واعتاذرات على هاد الشي ما عندها علاقة بالسيدة اللي هدرات. اللي اعتاذرات من اقليم كاتالونيا واللي هدرات من مدريد.
هاد السيدة من مدريد اللي قالت باللي كتخاف على بنتها الزعرة فالمغرب وقبل قالت “عاشت اسبانيا”٬ تبين وفق مصدر ل”كود” انها ما عندهاش بنت. كيفاش كتقول عندها بنت وهي ما عندهاش. هدرات على راجلها وهي ما مزوجاش.
كلمتها كانت خطيرة وخلات رئيس التجمع الوطني للاحرار وحزبو يتعرضو لهجوم. ايلى لاحظو ان بيان المكتب السياسي فاخر اجتماعو وكان فالصويرة تضمن فقرة اشادت بالامن فزيارة البابا فرانسيس. هاد الشي يقدر يكون عندو علاقة بهاداك الشي ديال اسبانيا.
دابا شكون رسلها وعلاش بغاها تريب الحفلة. كان الخطأ من قبل منظمي اللقاء من الحزب فمدريد ولكن توصل حتى يتم المزايدة هاد الشي خاصو ريوس طيح. شكون الجهة فمدريد او فالدولة اللي دارت هاد الشي.
