وكالات //
ادعاو هاكرز فالشينوا، أنهم سرقوا بيانات كتخص مليار شينوي، وعارضينها للبيع مقابل 10 بتكوين، لي كتساوي 200 ألف دولار تقريبا.
موقع “زد نت” لي متخصص فالأخبار التقنية، قال بلي الهاكرز مامعروفينش لحد الساعة، واختراقو قاعدة بيانات ديال البوليس فشنغهاي.
وطلبو الهاكرز لي دارو هاد الهجوم الإلكتروني، 10 بتكوين، باش يبيعو كثر من 23 تيرابايت ديال البيانات المسروقة، فيها سميات الناس والعناوين ديالهم والبلايص فين تزادو وأرقام التلفونات والمعلومات ديال القضايا الجنائية ديالهم.
السلطات الصينية مزال ما علقاتش على هادشي واذا كان هادشي اللي شفرو الهاكرز بصح، فغادي تكون أكبر عملية اختراق للبيانات فالتاريخ ديال الشينوا.