26/04/2024 17:48
بلقشور ورئيس نهضة بركان لاتحاد العاصمة الجزائري: مرحبا بكم فالمغرب الدار الكبيرة
اسماء غربي – كود//
المغنية رجاء بلمير عطات القاصح لوزير النقل والتجهيز دفاعا على الطلبة لي كيقراو في لافاك ديال طريق الجديدة في كازا ولي مبقاش عندهم الطوبيس باش يوصلو للكلية.
الكازاوية دارت فيديو في سناب وعبرات على السخط ديالها، وبغات ميساجها يوصل للمسؤولين حيت الطلبة لي كيديرو أوطوسطوب في لوطوروت معندهمش حل آخر.
وقالت بلمير: “ملي كنكون شادة طريق الجديدة كنوصل معايا طلبة لافاك، وتصدمت ملي حيدو الطوبيس 49 لي كان كيدوز كل ساعة، ودابا ماكين لا طوبيس لا والو. كيفاش بغيتو هاد البنات والولاد يوصلو للافاك ويقراو وهوما غادي يوصلو حاقدين من الطريق”.