07/05/2024 17:45
بنموسى: وقفنا الأساتذة بسباب سلوكات مست بحق التلاميذ فالقرايا وبحرمة المدرسة وماشي بسباب الإضراب ومنهم لي رجع دبا للعمل وتخلص ومنهم لي عندهم مجالس تأديبية
كود سبور//
حضر كل من عبد السلام بلقشور رئيس العصبة الوطنية لكرة القدم الاحترافية، وحكيم بنعبد الله رئيس نهضة بركان لمطار وجدة انجاد لاستقبال بعثة اتحاد العاصمة الجزائري، اللي عندهم ماتش مع بركان فبركان الأحد الجاي فروتور دومي فينال كاس الكونفدرالية.
ومشا كل من عبد السلام بلقشور رئيس العصبة الاحترافية، وحكيم بنعبد الله رئيس نهضة بركان، حتى لباب طيارة اتحاد العاصمة، واستقبلو بعثة الفريق الجزائري ورحبو بهم فالمغرب وكبرو بهم وقالو لهم بالحرف مرحبا بكم فبلاكم الثاني.
وموجدين نهضة بركان جميع الظروف لبعثة اتحاد العاصمة الجزائري باش يكونو مرتاحين، ودايرين لهم استقبال فالمستوى تأكيدا لكرم المغاربة، ماشي كيفما دارو و الجزائريين لنهضة بركان تماك فمطار هواري بومدين ملي احتاجزوهم وحجزو على التونيات ديال الفريق بسبب خريطة المغرب فخرق سافر لقانون الكاف، الشي اللي خلا الأخير يلغي ماتش الذهاب ويحسب نهضة بركان رابحين بنتيجة 3 لزيرو.
