26/04/2024 17:48
بلقشور ورئيس نهضة بركان لاتحاد العاصمة الجزائري: مرحبا بكم فالمغرب الدار الكبيرة
كود هناء ابو علي الرباط ////
بيان غادي يبقى فالتاريخ يتزاد لكبوات حزب الاتحاد الاشتراكي الكثيرة. تاريخ غير مجيد من الكبوات لهاد الحزب ايام ادريس لشكر. فقضية توفيق بوعشرين مدير نشر “اخبار اليوم” المتابع حاليا فقضايا كثيرة اخطرها “الاتجار بالبشر” ما خداش الحزب موقف مبدئي. اي يتسنى المحاكمة ويعرف شكون المتهم وشكون الضحية. سبق كلشي وتخندق مع المشتكيات. باش يبان راه حداثي وهاد الشي غير كذوب لانو الحداثي ما غاديش يخاف يقول موقفو من ارسال عشرين او اكثر بوليسي باش يعتاقلو الصحافي. الموقف المبدئي للحزب هو يدين علاش البوليس خدا السوارت 24 ساعة ورجعها بلا حكم قضائي بلا والو.
هاد القضية وحقاش بوعشرين كان كينتاقدهم دارو خدمة اتباع الياس العماري اللي تحركو من خلال المحامين وجمعيات صحابهم هدفهم بغض النظر على الحكم٫ تغراق مدير النشر.
حزب كان حشمان فبيانو بخصوص جرادة وبان اقل مستوى من اقل حزب اداري بخصوص قضية بوعشرين. بان ليه غير الحملة الشرسة ضد النساء اللي تجبدات فالملف. قال ليك ضغط وترهيب. علاش ما يثيرش الحزب هاد القضية فالبرلمان ويقول شكون سرب المحاضر وشكون شن هجوم على كل وحدة من الصحافيات والتقنيات اللي رفضات تقاضي توفيق بوعشرين.
هاد الحزب اللي ولى تابع للتجمع الوطني للاحرار يقوم بامور غريبة. المغاربة ما مسوقينش ليه كاع ولكن كياكل فاخر ما بقى ليه من قيمة من خلال بيانات بحال هادي. اللي ما قدروش يديروش شي اتحاديين فنقابة الصحافة اللي خدات موقف تاريخي عقلاني داروه فالحزب. المخطط باين
