كود الرباط//

فجولة لكود فمعرض الكتاب سولات الناس تما على الفصل 490 من القانون الجنائي اللي كيجرم العلاقات الرضائية وسولاتهم على رأيهم، وكانو تصريحات من مختلف الفئات العمرية كتفرح وكتنبأ بمستقبل زوين للحرية الفردية فالمغرب حيث بينو انه كاينة فئة من المغاربة مثقفين وواعيين و مع العلاقات الرضائية وعارفين.

من بين التعليقات واحد المواطن اللي علق “ان قانون 490 جاي من عقلية خامجة وماشي هي هاديك ”

وتصريح لشخص اخر كيقول فيه ان العلاقات الرضائية وحماية الحياة الحميمة للأفراد مسألة قناعة حقوقية ومبدئية مافيهاش نقاش حيث هي مسألة طبيعية وحرية شخصية”.
وفتصريح ثالث لواحد الشابة قالت انها حرية شخصية ومادام الشخص بالغ وفايت 18 لعام عندهم الحق يقرر بعيش حياتو .

وختمها شخص اخر بتصريح كيقول فيه ان المغاربة بغاو الحرية ومستعدين ليها غير عطيوها ليهم