كود يونس أفطيط///
علمت “كود”، أن المحكمة الادارية بالرباط حكمات لصالح تطواني ضد المديرية العامة اللي مابغاتش تخدمو دون وجود عيب قانوني أو واقعي في ملفه.
السيد حسب مقال الدعوى، دوز الكتابي والشفوي في امتحان الكوميسيرات سنة 2016، ومشا لمعهد الشرطة ودوز فيه المدة، ولكن ملي جا للتوظيف معيطولوش، وهادشي دون توضيح الاسباب علاش مايعيطولوش.
المحكمة شافت أنه ماكاينش سبب واضح ومتعلق بيه علاش ميخدموهش، لأن الخدمة حق من الحقوق، رغم أن الادارة العامة للأمن الوطني قالت أن أحد أقرباء هاد السيد مشدود على لحشيش، لكن المحكمة ماقتانعاتش بهاد المببر وقالت ليهم مادام السيد ماعليه والو لأنه هو اللي غايعدخم فيتوجب أن تعطيوه البوسط ديالو.
هادشي حسب مصادر “كود”، خلا المئات ديال الناس لي ميعطاتش عليهم الادارة العامة للأمن الوطني يمشيو للمحاكم الادارية يرفعو دعوى على المديرية.