نجوى المالحي-كود//

من بعد تداول معلومات على إصابة الوزير عزيز رباح ومراتو بفيروس كورونا، خرجات بنتو جهاد، باش توضح بعض الأخبار المتداولة.

بنت رباح أكدت الإصابة ديال واليديها بالفيروس، وقالت أن الإصابة ما كانتش نهائيا بسبب التجمع العائلي لي كان بعدما ولدات بنتها الثانية.

جهاد رباح لي خدامة إطار في وزارة المالية، ومستشارة جماعية، نفات الهضرة لي كدور، وقالت بأنها بعدما ولدات مازال كاعما شافت واليديها وما زاروهاش لا في المصحة ولا في الدار.

جهاد كتبت في تدوينة على مواقع التواصل الاجتماعي: “الحمد لله فرحتي ما كملاتش باستقبال مولودتي الجديدة، حتى صعقت بخبر إصابة والداي بفيروس كورونا، واللذان لم يكتب لهما أن يزوراني أو يريا حفيدتها بسبب المرض”.

الهضرة ديال جهاد أكدها راجلها، لي حتى هو نشر تدوينة في حسابو على فيسبوك، وقال أن نسابو ما جاوش عندو وما كان حتى شي تجمع عائلي.