وكالات //
غادي تخلص شركة “كَوكَل” 118 مليون دولار ل15.500 موظفة حالية وسابقة فالشركة، بعدما حطو عدد منهم دعوى قضائية جماعية بسباب التمييز فالصاليرات بين الرجال والعيالات فخرق واضح للقانون و لالتزامات الشركة.
الدعوة القضائية، حسب وسائل إعلام ميريكانية، اعتمدات على معلومات قدمهم خبير اقتصادي للمحكمة واللي أكد أن شركة “كَوكَل” كتعطي صالير أقل للعيالات مقارنة بالرجال واخا عندهم نفس التيتر بروفيسونال ونفس الخدمة.
Google agreed to pay $118 million to settle a lawsuit claiming the tech giant had discriminated against women in pay and promotions https://t.co/lom6Mbr6VD
— The Wall Street Journal (@WSJ) June 13, 2022
وقال بيان لمركز الأبحاث اللي تكلف بتقديم المعلومات أن “كَوكَل” ماشي بوحدها اللي كدير التمييز فالصاليرات، ولكن بزاف ديال الشركات فمنطقة “السيليكون فالي” معروفة بهاد القضية وكيبين التناقض مع الشعارات الخاوية اللي كيرددوها المسؤولين ديال خاد الشركات على المساواة و تكافؤ الفرص و الحقوق بين كَاع الموظفين بغض النظر على الجنس أو أي معيار آخر من غير الكفاءة والخدمة.