نجوى المالحي – كود //
بعض الفنانين مازال ما ارتاقاو وفاتو عليهم الماديات والهضرة الخاوية، وباقيين عاطينها غير العياقة والفشر عليا، عوض التركيز على اعمالهم الفنية.
المغنية خولة بنعمران لي ما كتغني حتى حاجة، نشرات فيديو عبر ستوري على حسابها في أنستگرام بينات فيه مجر عامر بالأيفونات، وقالت أنها ما كتبيعهمش، وكتفضل تحتفظ بهواتفها القديمة بعدما كتشري واحد جديد.
خولة بنعمران كتگلس حتى تگلس وتنوض دير الضحك في راسها، اشنو معناها تشارك تلفوناتها القدام من غير دوز فكرة أنها لباس عليها وبخير، وهادشي طبعا لا معنى له، وحتى الفنانين العالميين لي عندهم الفلوس ديال بالصح وباينة عليهم ماكايديروش هاد البهلوانيات وشحال هادي فاتو هاد الفشر الخاوي.
