كود سبور//

جددت كرة القدم المغربية التفوقها ديالها على نظيرتها الشيلية، وذلك بتحقيق انتصار جديد هاد المرة كان من خلال المنتخب الوطني المغربي لأقل من 20 سنة.

واختتم المنتخب الوطني المغربي لأقل من 20 سنة  المشاركة ديالو فالدوري الودي لمورسيا فالصبليون بالانتصار الثلاثاء، على نظيره الشيلي بهدف واحد لصفر، من توقيع السوسي عبد الرحمان اللي إرتقى فوق الشيليين ووضع الكرة برأسية فالمرمى فالدقيقة 40، وظلت النتيجة كما هي حتى نهاية الماتش.

وكيجي انتصار الأشبال على منتخب الشيلي لأقل من 20  سنة، بعد أيام فقط من تحقيق المنتخب الوطني المغربي الأول الفوز على الشيلي فماتش ودي فالصبليون بهدفين لصفر، تلعب فمدينة برشلونة، علما أنه غيلعب ماتش أميكال ثاني مساء اليوم ضد الباراكواي فمدينة اشبيلية.