بلقشور ورئيس نهضة بركان لاتحاد العاصمة الجزائري: مرحبا بكم فالمغرب الدار الكبيرة
سامي العلوي- گود كازا //
هادي مدة طويلة مبقينا شفنا ولا سمعنا العنف الجامعي في جامعة الحسن الأول بسطات، ولي كانو كل عام كينوضو الگيرة الطلبة ديال بن أحمد مع الطلبة واد زم او بعض المرات مع الطلبة الانفصاليين .
الحي الجامعي ديال سطات ومعه كلية العلوم القانونية والسياسية كانو مسارح ديال احداث دامية دازت تما، ولكن في السنوات الاخيرة حبس ذاك الشي وولاو الطلبة كلهم خوت كيجيو يقراو ويدورو مع الدورة، حتى لهاد الجمعة لي دازت، ناضو مالين المبادرة الطلابية لي كلهم اخونجية ورونوها في النهار لاخر ديال النشاط الثقافي، بحيث عدد من اعضاءها طلبة واخرين ماشي طلبة گاع تحاماو على طالب بوحدو ودگدگوه عصا على حد ما قالت مصادر “گود” ووثقوه بالڤيديوات.
هاد الشي حذرات منو “گود “من نهار علنو بلي غادين يجيبو الظلامي ياسين العمري للكلية.. وفي الاخير مانجحش ليهم النشاط وشفنا في التصاور القاعات خاويين في المحاضرات ،ايوا بغاو يقلبوها بونية جات الضربة في طالب .