ممثل تركي مشهور شرا مدرسة وريبها.. نتاقم من المعلمين لي كانو كيضربوه ملي كان صغير
كود سبور//
صبح فريق الكوكب المراكشي لي كيتعتبر واحد من أعرق الأندية المغربية وكينتمي لمدينة مراكش لي هي واحدة من أبرز المدن السياحية ماشي فقط فالمغرب بل فالعالم، عاجز على اللعب فالقسم ديال بطولة هواة بسبب الأزمة ديالو المالية والتسييرية.
وحسب مصادر مطلعة ففريق الكوكب المراكشي صبح مهدد بالانسحاب من البطولة ديال الهواة، بسبب الوضعية ديالو الصعبة، بحيث رفضو اللاعبين ديال الكوكب الالتحاق بالتداريب ديال الفريق فالوقت لي عجز فيه الطاقم التقني على إقناعهم بخوض التداريب فالملعب، فظل غياب مكتب مسير ورئيس يشرف على تسيير النادي.
وكان رضوان حنيش قرر الاستقالة من المنصب ديالو كرئيس للكوكب المراكشي ومن بعد منها قرر الاستقالة من لجنة تصريف الأعمال، لي تشكلت لتدبير الوضع داخل النادي، بسبب ظروف شخصية قاهرة وأكد على أنه ما بقى عندو ما يعطي الكوكب.
للإشارة ففريق الكوكب المراكشي نزل القسم ديال الهواة الموسم الماضي، وهو الأمر لي صدم الكثير من العشاق ديالو والجمهور المراكشي وأيضا عشاق كرة القدم المغربية، بحيث أن الفريق كيتعتبر من الأندية الوطنية العريقة ولي عندها ألقاب.
وسبق للجماهير ديال الكوكب المراكشي أنها عبرت فأكثر من مناسبة على الغضب ديالها بسبب الوضع الكارثي لي كيعيشو الفريق، ونظمت وقفات احتجاجية للمطالبة بإنقاذ النادي لكن إلى حدود دابا مازال ما الفريق غارق فالمشاكل.